“නිමිති” මගින් සංකේතවත් කෙරෙන්නේ මොනවාද? දේවල් මිස වෙන මොනවාදැ ‘යි තර්කානුකූල චින්තනයක් ගැන නො දන්නවුන් ගත් කටටම පිළිතුරු දෙනු ඇත. ව්‍යවහාර බුද්ධිය අනුව යතොත් ඇත්තෙන්ම නිමිති යනු අප හඳුනා ගන්නා දේ පෙන්නුම් කරන සංකේතය.
අප හඳුනාගන්නා දේ නම්, දකින රූප, අසන ශබ්ද, අඝ්‍රාණය කරන ගඳ-සුවද, ආස්වාදයනය කරන රස, ස්පර්ශකරන වස්තූන් සහ දැනගන්නා අදහස් ය. තර්කානුකූලව සිතන්නෝ මෙයට වඩා නිරවද්‍ය නිගමනයක් ඉදිරිපත් කිරීමට තැත් දරති. ……
කාළකාරාම සූත්‍රයට( » අඞ්‌ගුත්‌තර නිකාය » චතුක්ක නිපාතය » 3. උරුවෙල වර්ගය)අනුව, තථාගතයන් වහන්සේ දැකීමෙන් පරිබාහිර වූ දකින දෙයක් හෝ ඇසීමෙන් පරිබාහිර වූ ඇසෙන දෙයක් හෝ දැනීමෙන් පරිබාහිර වූ දැනෙන දෙයක් හෝ දැනගැනීමෙන් පරිබාහිර වූ දැනගත හැකි දෙයක් හෝ ඇතැයි නො සලකන සේක… – උපුටා ගැනීම පූජ්‍ය කටුකුරුන්දේ ඤාණනන්ද හිමි විසින් රචිත “මනසේ මායාව” නම් කෘතියෙන් (පිටු අංක 10 සිට 11 දක්වා)
ඉහත උපුටා ගැනීම කරන ලද්දේ කාළකාරාම සූත්‍ර දේශනාව අවබෝධයෙන් කියවීම පිණිස ඉහත පාඨ කීපය ඉතාමත් වටිනා ප්‍රවේශයක් ගෙන දෙන නිසයි..
අඞ්ගුත්තරනිකාය » චතුක්කනිපාතපාළි » උරුවෙලවග්ගො » කාළකාරාමසුත්තං
Recent Comments