බෞද්ධයාගේ නිත්‍ය සීලය වන්නේ පංච සීලයයි. මෙය කම්සැප වින්දනය කරන හා නොකරන සියලු දෙනාට පොදුවේ ආරක්ෂා කළ හැකි ප්‍රතිපදාවකි. කාමභෝගි ජීවිතයක් ගෙවන අයෙකුට පන්සිල් රැකීම බාධකයක් නොවේ. එසේම ආගමික භේදයකින් තොර සමාජීය වටිනාකමකින් අනූන පොදු ප්‍රතිපදාවක් ලෙස පංච සීලය හඳුනාගත හැකි ය.
පංච සීලය නිවැරැදිව ආරක්ෂා කිරීමේ දී එහි අංශ දෙකක් ඇති බව වටහාගත යුතු ය. වැරැදිවලින් වැළකීම හා සමාදන්වීමයි. එය විරමනය හා සමාදානය වශයෙන් පංචසීල ශික්ෂාපදයන්හි ඇතුළත් වේ. බෞද්ධයන් පන්සිල් රක්ෂා කිරීමේ දී විරමනය පිළිබඳ අවදානය යොමු කළත් සමාදානය පිළිබඳව කිසිදු අවධානයක් නොමැති බව පෙනේ. පන්සිල්වලට අයත් ශික්ෂාපදයක් අංග සම්පූර්ණ වීමට නම් මෙම උභය අංශයම සම්පූර්ණ විය යුතු බව අවධානයේ තබා ගත යුතු කරුණකි.
Recent Comments