මංගල ධර්ම විස්තරය
අතිපූජ්‍ය රේරුකානේ චන්දවිමල මහනාහිමි
නීතිගරුක සමාජය දියුණුය. නො දියුණු සමාජයක නීති රීති ද නැත. පුද්ගලයකුගේ හෝ ජාතියකගේ අධ්‍යාත්මික හෝ බෞතික දියුණුව ලබාගත හැක්කේ නීතිරීති මගිනි.
නීතිරීති ගරු කිරීම යම්තාක් දුරට දියුණු ද, ඒ තරමට ඔවුහු දියුණු වෙති.
ජීවිතයක බාහිරව පැවති නීතිරීති බෞතික දියුණුව ගෙන එයි. එය ලෞකිකය. එමෙන් ම තාවකාලිකය. හොඳින් හෝ නරකින් යමක් උපයා ගැනීමත් පරිභෝගයත් යන දෙක ම ජීවිතයේ එක ම අවධියක අවසන් වන්නේත් එතැන් සිට ඔහු පසුතැවිල්ලට යොමු වන්නේත් ඒ නිසා ය.
එයින් සැනසීමක් ලද නො හැකිය. ආධ්‍යාත්මික දියුණුව සදා සුන්දර ය. ඉන් විපුල ඵල ලැබේ. බුද්ධ ධර්මය අධ්‍යාත්මික දියුණුවේ මාර්ගයයි.
ඒ ඒ පුද්ගලයන්ගේ චරිත වර්ධනයට පොහෝනා ධර්මනීති ඔවුන්ගේ ම ජීවිතයේ අවයව කොට දැක්වීම දේශනා මාර්ගයෙහි එන සාමාන්‍ය පිළිවෙලයි. මංගල සූත්‍රය ද එවැනි ධර්මනීති පද්ධතියකි.
.
Recent Comments