Veera Keppetipola Disawe

2016_09_09_16_27_13_2r

ජාතිය වෙනුවෙන් දිවි පිදූ වීර කැප්පෙටිපොළ

ශ්‍රී ලංකාව සිංහල රටකි. ගසට පොත්ත සේ සිංහලකමත් බෞද්ධකමත් දෙකම එදා සිට එකට ම පැවැතුණේ ය. පුරාණයේ පටන් ම සිංහල රජදරුවෝ මේ බව අමතක් නො කළහ. සිංහලකමත්, බෞද්ධකමත් රැකගන්නටත් නගාසිටුවන්නත් ඔවුහු සටන් කළහ: යුධ වැදුණහ. එහෙයින් සිවු හෙළය ම එක්සත් ව බොහෝ කලක් පැවැතිණි.

විදේශීය ආක්‍රමණිකයින්ගේ නොමනා නොයුතු වැඩ නිසාත්, අපගේ නායකයින්ගේ ඇතැම් දුර්වලකම් නිසාත් නුවර යුගයේ ආරම්භය පටන් ම බෞද්ධකමටත් සිංහලකමටත් වූයේ මහත් විනාශයකි…….

වීර ජනනායකයකු තුළ තිබිය යුතු උදාර ගතිගුණ කැප්පෙටිපොල චරිතයෙන් පැහැදිළි වේ. සිංහල ජාතියට, බුද්ධාගමට විශිෂ්ඨ අන්දමින් ගරු කළ මෙතුමා ජාතියේ, ආගමේ නිදහස පතා කැරලිකාරයන්ට එකතුවූ මෙතුමා ඌවේ කැරැල්ලේ නායකත්වයට පත්වී ඉංග්‍රීසින් සමග සටන් කළේ ය. පසුව සුද්දාගේ රන් පවුම් වලට පෙරේත වූ එක්තරා සිංහල සර්පයෙක් අප වීරයා සිටින තැන හොර රහසේ ම ඉංග්‍රීසීන් ට දන්වා යැවීමෙන් කුහක නින්දිත ජාතිද්‍රෝහී සිංහලයකුගේ අදූරදර්ශී ක්‍රියාව නිසා අහෝ ජාතික වීරයකුට වූ විපත…. 

එදා අපේ කැප්පෙටිපොළ වීරයාණන් වදකාගාරය කරා කැදවාගෙන යන විට පර සුද්දන්ගෙන් අවසර ඉල්ලුවේ මැරෙන්න කළින් දළදා වහන්සේ වැඳ පුදා ගන්න පමණී. එතුමා දළදා වහන්සේ ඉදිරියේ “බුදු ගුණ” ගායනා කර ඇත.

තම මුව සහ දෑත් සෝදාගත් එතුමා හිසකේ කොණ්ඩයක් කොට හිස මුදුනට තබා බැඳගත්තේ ය. මහපටැඟිලි තුඩින් පඳුරක් දැඩි සේ තදකර අල්වා ගනිමින් හිඳගෙන වධයාකට කථා කොට “මම ඉතිපි සො..ගථාව කියන අතරේ නුඹ මගේ හිස එක කඩු පහරින් වෙන් කරන්න ඕනෑ” යැයි කී ය. කඩුපහර ගෙල හරහා වැදිණි. ඉතා ශක්ති සම්පන්න එතුමාගේ හිස එක පහරින් වෙන් කරන්න ට වධකයා අසමත් වීය.  ගෙළ දෙපසින් උණු ලේ වැගිරිණි. එහෙත් කැප්පෙටිපොළ අදිකාරම්තුමා කථා කලේ ය. “වධකය, නුඹ මා කී දේ හරියට කළේ නැහැ නොවැ? මෙන්න මෙතනට තව පහරක් ගසන්න” යි එතුමා කඩුපහර ගැසිය යුතු තැන ද පෙන්වී ය. ජාතිය වෙනුවෙන් සටන් කළ වීර කැප්පෙටිපොළ අදිකාරම්තුමාගේ නම ඉතිහාසයේ තවත් ශ්‍රේෂ්ඨ නමක් සාදා නොමැකෙන සේ රන් අකුරින් ලියැවුණේ ය. 

අපගේ සටහන:- අපගේ නායකයින්ගෙන් ඉල්ලා සිටින්නේ මේ රට බේරා ගැනීමට දිවිහිමියෙන් කැප වූ සියළු දෙනා ටත් අපේ කැප්පෙටිපොල තුමාගේ නාමයෙන් මොන විදේශීය බලපෑම් ආවත් ඔවුන් රැකිය යුතු බව යි. ඔවුනගේ මොන දේශපාලන මතිමතාන්තර තිබුණත් ඔවුන් මේ රට මුදවා ගත් අයයි. එය අපට ජාතියක් ලෙසට අමතක නො කළ නො හැකිය. 

සම්පූර්ණ පොත

[pdf]http://www.dhammikaweb.com/wp-content/uploads/2016/09/Veera_Keppetipola_.pdf[/pdf]

Permanent link to this article: http://www.dhammikaweb.com/?p=20702

Leave a Reply