නිබ්බාන දෙසුම් පෙලේ 5 සිට 7 දක්වා දේශනයන් (දෙසුම් 33 කින් සමන්විත) – පූජ්‍ය කටුකුරුන්දේ ඥාණනන්ද හිමි
සතිපට්ඨාන සූත්‍රයේ අරමුණු සතර කාය, වේදනා, චිත්ත, ධම්ම එක්තරා විශේෂ මනසිකාරයක් ගැන පසුගිය දේශනා අවසාන හරියේදී තරමක් දුරට විග්‍රහ කළා. බුදුන්වහන්සේ පෙන්නුම් කර ඇති එක්තරා මධ්‍යම ප්‍රතිපදාවක් ඒ විවරනය මගින් සමහර විට ඔබට එලිවෙන්න ඇති.
නොඇලුනෙක්ව වාසය කරයි! ලොව කිසිවක් අල්වා නො ගනියි ! කියන ඒ පරමාර්ථය, ඒ ඉලක්කය ඇතිව සතිපට්ඨානා භාවනාවට භාවිතා කරන අරමුණු, සංකල්ප ප්‍රඥ්ඤප්ති ආදිය එක්තරා විදිහක දෘෂ්ඨිග්‍රාහකකින් තොරව පාවිච්චි කරන ක්‍රමයක් ඒ සතිපට්ඨාන සූත්‍ර පුරාම දැක්වෙන කරුණු වලන් හෙලිවන බව අප ප්‍රකාශ කළා. විශේෂයෙන්ම අප ඒකට උපමාවක් වශයෙන් දැක්වූයේ සංකල්ප පලංචි වලින් සතියත්, ඥානයත් නමැති ගොඩනැගිල්ලක් සාදවා ගන්නවා වගේ වැඩක් එතන වෙන්නේ කියලා.
එතකොට මෙතන පලංචි ගැන කතාකරන කොට අපට ආකල්ප දෙකක් සිහියට නැගෙනවා. පලංචි දැඩිව අල්වාගෙන පලංචි වල පදිංචි වීමේ ආකල්පයත්, පලංචි ආධාරයෙන් නියම ආකාරයට ගොඩනැගිල්ලත් සාදා ගන්නා පරමාර්ථයත් කියන කාරණා දෙක. මේ ගැන අප තව දුරටත් විස්තර කළහොත් වචන දෙකක් ඉදිරියට ගන්න පුලුවන් එනම් පරාමර්ශනයත්, සම්මර්ශනයත් කියල. මේ පරාමර්ශනය, සම්මර්ශනය කියන වචන දෙක උපමාවක් ආස්‍රයෙන්ම තේරුම් ගන්න එක වඩාත් සුදුසු නිසා අපේ යෝගාවචර ජීවිතයට නිතර උපකාර වන උපකරනයක් වන දැළි පිහිය උපකාරයක් විදිහට ගනිමු……..
5 වෙනි දේශනය
6 වෙනි දේශනය
7 වෙනි දේශනය
.
Recent Comments