King Kaawantissa – Saddharmalankaraya

කාකවර්ණතිස්සරාජ වස්තුව ( කාවන්තිස්ස රජතුමා) 

පූජ්‍යාචාර්ය ජයබාහු ධර්මකීර්ති මහා ස්ථවිර පාදයන් විසින් රචිත “සද්ධර්මාලංකාරය” නමැති කෘතියෙන් පිටපත් කර ගන්නා ලදී (පිටු අංක 418 සිට 428 දක්වා )

අප බහුතරයක් ශ්‍රී ලාංකිකයන් අතරේ කාවන්තිස්ස රජතුමා ප්‍රසිද්ධ වන්නේ එතුමාට ඔහුගේ පුත් දුටුගැමුණු කුමරුන් විසින් එක් අවස්ථාවක දි ස්ත්‍රී ආභරණ යැවීම නිසා, කාවන්තිස්ස රජු බියගුලු චරිතයක් සහිත රජකෙනෙකු බවට ය. නමුත් එතුමන්ගේ ජීවන තොරතුරු ඇතුලත් සද්ධර්මාලංකාරය නමැති පොතේ සදහන් පහත පිටු කීපය පමණක් කියවීමෙන්, එතුමන් කෙතරම් පින්වන්ත, ශ්‍රී ලංකාවට සහ බුද්ධ සාසනයේ උන්නතියට මොනතරම් සේවයක් කළ උත්තමයෙක් ද බව ඔබට පැහැදිළි වනු ඇත. එතුමා දුටුගැමුණු කුමරුන්ට ලංකාව එක්සේසත් කිරීමට අවශ්‍ය පසුබිම සකස් කිරීමෙහි අත්තිවාරම දැමූ වීරවරයාය.

කාවන්තිස්ස නම් රජ්ජුරුවෝ වනාහි දානශීලාදී වූ දශප්‍රකාර පාරමී ධර්මයන් පුරා මස්තකප්‍රාප්ත කොට ලොව්තුරා බුදු වන්නාවූ එක්තර බුදුකෙනෙකුන් වහන්සේට ඒ බුදු වන ජන්මයෙහි ජනක වූ පිය තනතුරු ලැබෙම්ව’යි ප්‍රාර්ථනා කොට කප් ලක්ෂයක් මුලුල්ලෙහි නිරතුරුව වඩනාලද ඒකාකාර වීර්ය්‍යක් ඇති ව බොහෝ කුශලසම්භාරයන් රැස් කරමින් දිව්‍ය මනුෂ්‍ය සම්පත් විද සසර ඇවිදින්නා වූ එක් භවයක්දී (ගෞතම බුදුන්ගේ මේ බුද්ධෝත්පාදයට පූර්ව භාගයෙහි ) වැදිව ඉපිද පිං රැස් කර ගනිමින් එයින් මිය කාමාවචර දෙව් ලොව ඉපිද එයින් අවුත් ලංකාදීපයෙහි වැදිගමෙක ප්‍රධාන වැද්දාට පුත්‍රව ඉපදී බොහෝ පින් රැස්කොට එයින් මිය රුහුණු මාගම ගොඨාභය රජ්ජුරුවන්ට පුත්‍රව උපන් නමින් කාවන්තිස්ස නම් පසුව ශේෂ්ඨ රජකෙනෙකු වූ, දුටුගැමුනු රජතුමාගේ පියතුමා වූ සූසැටක් රජමහා විහාර කරවා උපමා නොකොට හැකි අනෙකප්‍රකාර කුසල්කොට සූසැට අවුරුද්දක් දැහැමෙන් රාජ්‍ය පිළිපැද තුෂිත භවනේ උපන. ඒ කාවන්තිස්ස රජ්ජුරුවෝ වනාහි මතු බුදු වන මෛත්‍රී බුදුනට බුදු වන ජාතියෙහි පිය වන්නාහ.විහාර මහාදෙවි එම බුදුනට මව් වන්නාහ

“සද්ධර්මාලංකාරය” නමැති කෘතියෙන් පිටපත් කර  ගත් (පිටු අංක 418 සිට 428 දක්වා ) පිටු කියවීමට හෝ බාගැනීමට පහත පිවිසුම් වලට ඇතුළු වන්න.

[pdf]http://www.dhammikaweb.com/pdfs/kakawarnatissaRaja_Wasthuwa_wantissaraja_SaddharmalankarayaPDF455_Page418.pdf[/pdf]

.